Boksçularımız Avropa çempionatına hazırlaşır

Kişi və qadın boksçulardan ibarət yığmalar təlim-məşq toplanışını davam etdirirlər. Allsport.az saytı xəbər verir ki, komandalarımız martın əvvəlində başlayan hazırlığın arxada qalan hissəsində əsasən fiziki və texniki çalışmalar üzərində işləyiblər.

Boks Mərkəzində gerçəkləşən toplanış martın 23-dək davam edəcək. Məşqin məqsədi 22 yaşadək boksçular arasında Avropa çempionatına hazırlıqdır.

Yarış martın 24-dən aprelin 2-dək Rumıniyanın Tırqu-Jiu şəhərində təşkil olunacaq.