Boksçularımız dünya çempionatına hazırlığı davam etdirir

Sentyabrın 8-dən 21-dək Rusiyanın Yekaterinburq şəhərində boksçuların dünya çempionatı keçiriləcək. Allsport.az saytı xəbər verir ki, millimiz bu yarışa hazırlığını davam etdirir.

Baş məşqçi Nəriman Abdullayev təlim-məşqə hər çəkidə 2 nəfər olmaqla, 16 nəfər cəlb edib. Sonuncu toplanışda boksçularımız gündə 2 dəfə məşq keçirlər. Səhər fiziki, axşam rinqdə çalışma olur.

Hazırlıq ayın 5-dək davam edəcək. Bundan sonra komanda şimala yollanacaq. Dünya çempionatı 8 çəki dərəcəsində keçiriləcək.