Boksçularımız təlim-məşq toplanışını davam etdirirlər

Boksçularımız Türkiyənin Kastamonu şəhərində Avropa olimpiya təsnifat turnirinə hazırlıqla bağlı təlim-məşq toplanışını davam etdirirlər. Allsport.az xəbər verir ki, komandamız yarışa baş məşqçi Umberto Orta Dominqesin rəhbərliyi ilə hazırlaşırlar.

Təlim-məşq toplanışında Rüfət Hüseynov, Məsud Yusifzadə (52 kq), Ümid Rüstəmov, Tayfur Əliyev (57 kq), Cavid Çələbiyev, Ruslan Rüstəmov (63 kq), Sərxan Əliyev, Lorenzo Sotomayor, Nəbi İsgəndərov (69 kq), Kamran Şahsuvarlı (75 kq), Alfonso Dominqes (81 kq), Osnay Benkoma (91 kq) və Məhəmməd Abdullayev (91 kq-dan yuxarı) iştirak edirlər. Təlim-məşq toplanışı martın 21-dək davam edəcək.

Tokio yay olimpiya oyunlarına vəsiqələrin sahibləri Parisdə müəyyənləşəcək. Yarış iyunun 4-də start götürəcək və 8-də başa çatacaq.

Komandamızın heyətində hələlik Tayfur Əliyev “Tokio-2020” yay olimpiya oyunlarına vəsiqə qazanıb.