Boksçumuz erməni rəqibinə qalib gələrək qızıl medal qazandı

Azərbaycan boksçusu Əli Əliyev (46 kq) Bəhreynin paytaxtı Manamada keçirilən gimnaziada idman oyunlarında Ermənistan idmançısına qalib gələrək qızıl medal qazanıb.

Allsport.az xəbər verir ki, o, həlledici görüşdə inamlı qələbə qazanaraq fəxri kürsünün ən yüksək pilləsinə qalxıb.

Bu, Azərbaycan boksçularının Manamada ilk qızıl medalı olub.

Hesabında 2 bürünc medal olan oğlanlardan ibarət komandanın heyətində daha 8 boksçu finalda döyüşəcək.