Boksçumuz finala çıxmadan qalib oldu

Boksçumuz Alfonso Dominqes (81 kq) Parisdə keçirilən Avropa olimpiya təsnifat turnirinin qalibi olub. Allsport.az xəbər verir ki, o, döyüşə çıxmadan çempion olub.

Təmsilçimizin rəqibi – Benjamin Uitaker (Böyük Britaniya) final qarşılaşmasına çıxmaqdan imtina edib.

Təsnifat turniri yığmamız üçün başa çatıb. Yarışı Alfonso Dominqes qızıl, Lorenzo Sotomayorla (69 kq) Məhəmməd Abdullayev (+91 kq) bürünc medalla başa vurub.

Bundan başqa, Tayfur Əliyev (57 kq) və Cavid Çələbiyev (63 kq) Tokio-2020 yay olimpiya oyunlarına lisenziya əldə edib.