Boksçumuz qitə birinciliyində 1/2 finalda erməni rəqibini yendi

Bosniya və Hersoqovinanın paytaxtı Sarayevoda yeniyetmə boksçuların Avropa birinciliyində Səftər Məmmədzadə (+80 kq) finala yüksəlib. Allsport.az saytı xəbər verir ki, o, yarımfinalda ermənistanlı Qraç Xaçatryanla qarşılaşıb.

Döyüş boksçumuzun 4:1 qələbəsi ilə yekunlaşıb (30:27, 29:28, 30:27, 30:27, 28:29). Finalda rusiyalı Rüstəm Həsənovla qarşılaşacaq. Döyüş iyunun 30-da olacaq.

Millimizin daha 3 üzvü yarımfinal görüşünə çıxacaq.