Dünya kubokunda 3 bürünc

Qazaxıstanın paytaxtı Astanada keçirilən boks üzrə dünya kubokunda yarımfinal döyüşləri başa çatıb.

Allsport.az xəbər verir ki, Azərbaycan yığmasının bu mərhələdə 3 boksçusu mübarizə aparıb.

Sübhan Məmmədov (50 kq) Səncər Daşqınbəylə (Qazaxıstan), Məhəmmədəli Qasımzadə (60 kq) Luis Qabriel do Naskimento (Braziliya) ilə və Məhəmməd Abdullayev (+90 kq) Aybəy Oralbəy (Qazaxıstan) üz-üzə gəlib.

Rəqiblər finala yüksəldiklərindən, Azərbaycan təmsilçiləri bürünc medala yiyələniblər.

Bu gün yekunlaşacaq dünya kubokuna 30 ölkədən 300-dək boksçu qatılıb.