“Futbolçularımız ümumi hava şəraitinə və meydana tam uyğunlaşa bilmədilər”

“Qarabağ” Avropa liqasının “H” qrupunun 5-ci turunda Norveçdə “Molde” ilə 2:2 edib. Allsport.az saytı xəbər verir ki, görüşdən sonra komandamızın baş məşqçisi Qurban Qurbanov nəticəni dəyərləndirib:

“Futbolçularımız ümumi hava şəraitinə və meydana tam uyğunlaşa bilmədilər. Lakin çox vacib 1 xal oldu. Qrupda 1 oyunumuz qaldı. Çalışacağıq ki, Bakıda İsveç “Hakken”i ilə keçirəcəyimiz görüşə daha yaxşı hazırlaşaq.

Bu 1 xalın bizə faydası çox oldu. Amma arxayınlaşmaq olmaz. Bakıda daha ehtiyatlı olmalıyıq. Futbolçularıma təşəkkür edirəm”.