Gənclər və idman nazirliyinin əməkdaşları Şəhidlər xiyabanını ziyarət edib

Qanlı yanvar hadisələrindən 35 il ötür. Allsport.az saytı xəbər verir ki, bu faciə Azərbaycan xalqının yaddaşına həm kədər, həm də qürur günü kimi həkk olunub.

Hər il olduğu kimi, faciənin növbəti ildönümündə xalqımız 20 Yanvar şəhidlərinin xatirəsini dərin ehtiramla yad edir, qatillərini lənətləyir, bunu törədənlərə dərin nifrətini bildirir. 20 Yanvar Azərbaycan xalqının qəhrəmanlıq salnaməsidir.

Gənclər və idman nazirliyinin əməkdaşları şəhidlərimizin xatirəsini əziz tutub, onları ehtiramla anıblar.