Heydər Əliyev turnirinin qalibi

Ümummilli lider Heydər Əliyevin anadan olmasının 98-ci ildönümünə gənclər arasında onlayn şahmat turniri qalibləri bu gün mükafatlandırılıb. Allsport.az saytı xəbər verir ki, Azərbaycan dövlət bədən tərbiyəsi və idman akademiyası və “ASAN könüllülük” məktəbinin təşkilatçılığı, Azərbaycam şahmat federasiyasının tərəfdaşlığı çərçivəsində keçirilən turnirin ödülləndirmə mərasimi Vətəndaşlara xidmət və sosial innovasiyalar üzrə dövlət agentliyində keçirilib.

Tədbirdə AzDBTİA-nın idman işləri üzrə prorektoru Yusif Babanlı, VXSİDA-nın insan resursları və təlim şöbəsinin müdir müavini Cahangir Haciyev, təhsil müəssisələrinin nümayəndələri və turnir iştirakçıları iştirak ediblər.

3-10 may tarixlərində baş tutan şahmat turnirinin qalibi AzDBTİA-nın 1-ci kurs tələbəsi Gövhər Beydullayeva olub. Rüfət Əbdülbağırov 2-ci, Tural Məmmədzadə isə 3-cü yer tutublar. Qaliblərə sertifikat və hədiyyələr təqdim edilib.