“İdman jurnalistikası” mövzusunda onlayn konfrans

Azərbaycan idman jurnalistləri federasiyasının və Azərbaycan idman könüllüləri ictimai birliyinin birgə təşkilatçılığı ilə “İdman jurnalistikası” mövzusunda onlayn konfrans keçirilib.

Allsport.az saytı xəbər verir ki, toplantıda giriş sözü ilə başlayan birliyin sədri Miraqil Seyidzadə 2 İyul beynəlxalq idman jurnalistləri günü münasibəti ilə AİJF-in idarə heyətinin üzvü, ATV-nin “İdman” şöbəsinin redaktoru Sənan Şəfizadəni təbrik edərək, ona uğurlar arzulayıb.

Peşəkar jurnalist çıxışında jurnalistin yanaşma tərzindən, gənclərin jurnalistika sahəsinə göstərdiyi maraqdan, müsahibə üçün vacib olan üç qızıl qaydadan, idman jurnalistikasındakı problemlərdən və onların həll yollarından bəhs edib.

Konfransda, həmçinin yaxın günlərdə keçiriləcək “Könüllü jurnalist” layihəsi haqqında da məlumat verilib. Görüşün sonunda könüllüləri maraqlandıran suallar cavablandırılıb.