“İl’Azero” ilə gələn çempionluq

“İdman Azərbaycan”da yayımlanan yeni intellektual “Peloton”un ilk çempionu “Penyarol” komandası olub. Allsport.az saytı xəbər verir ki, Tural Məmmədlinin apardığı verilişdə tamaşaçılar əla oyunlar izləyiblər.

Qalibin heyətində “CBC-Sport”un şərhçisi və komandanın yaradıcısı Murad Axundov, “Qarabağ”ın mətbuat katibi Nurlan Hacıyev, bu klubun tərcüməçisi Elvar Quluyev, “Zirə”nin mətbuat katibi Elmar Abdullazadə (k), azerisport.com-un əməkdaşı Mirbağır Cəfəri və riyaziyyat müəllimi Məmməd İmanov yer alıblar.

Qeyd edək ki, həmkarlarımız yarışmada milli idman brendi “İl’Azero”u geyinib.