İlham Zəkiyev kitab yazdı

Azərbaycan idman akademiyasının doktorantı, paracüdo üzrə ikiqat paralimpiya çempionu və üçqat bürünc mükafatçısı İlham Zəkiyevin müəllifi olduğu “Təlim-məşq toplanışlarının təşkili” adlı metodik vəsait və “Məşqçinin əxlaq kodeksi” adlı metodik göstəriş işıq üzü görüb.

Allsport.az xəbər verir ki, vəsaitdə təlim-məşq toplanışlarının planlaşdırılması, toplanışın keçirilməsi üçün yerin seçilməsi, toplanış keçirmək barədə müvafiq təşkilatlarla razılığın rəsmiləşdirilməsi, toplanışın tədris planı, toplanış yekunlarının təhlil edilməsi və əlavələr geniş şərh edilib.

Vəsait idman sahəsində çalışan əməkdaşlar, məşqçilər, idmançılar, toplanış iştirakçılarını qəbul edən təşkilatların əməkdaşları və oxucu kütləsi üçün nəzərdə tutulub.

Metodik vəsait və göstəriş Azərbaycan idman akademiyasının tədris metodiki şurasının 29 maydakı iclasında müzakirə edilərək bəyənilib və nəşrə məqsədəuyğun sayılıb.