Kamran Şahsuvarlı Avropa çempionatında gümüş medalla kifayətlənib

Ukraynanın Xarkov şəhərində kişi boksçuların Avropa çempionatı başa çatıb. Allsport.az saytı xəbər verir ki, finalda rinqə cəmi bir təmsilçimiz çıxıb. Həlledici görüşdə Kamran Şahsuvarlı (75 kq) yerli Aleksandr Xijnyakla üz-üzə gəlib.

Döyüş rəqibin qələbəsi ilə yekunlaşıb. Nəticədə, 25 yaşlı olimpiya mükafatçımız gümüş medalla kifayətlənib. Xatırladaq ki, Avropa çempionatında millimizin 5 üzvü 1/4 finala kimi irəlilədiyindən dünya çempionatına vəsiqə qazanıb.

Bu boksçumuzlaə yanaşı, Lorenzo Sotomayor (64 kq), Pərviz Bağırov (69 kq), Abdulqadir Abdullayev (91 kq) və Məhəmmədrəsul Məcidov (+91 kq) avqustun 25-də Almaniyanın Hamburq şəhərində start götürəcək planetin ən güclülərinin yarışına qatılmaq hüququna yiyələniblər.