Kliçko ilə Dübua qarşılaşa bilərmiş

Boks üzrə ağır çəkidə WBO, IBF, IBO və “The Ring” üzrə keçmiş dünya çempionu Vladimir Kliçko hazırkı IBF ağır çəkili titulunun sahibi Daniel Dübua ilə döyüş üçün danışıqlar aparıb.

Allsport.az xəbər verir ki, ukraynalı boksçu fevralın 22-də Ər-Riyadda (Səudiyyə Ərəbistanı) Daniellə döyüşməyi planlaşdırırmış. Lakin bu həftə danışıqlar dayandırılıb. Təşkilatçılar Mayk Tayson və Ceyk Pol arasında döyüşün tənqid olunduğunu görərək bu qarşıdurmanın keçirilməməsinə qərar veriblər.

Kliçko sonuncu dəfə 2017-ci ilin aprelində döyüşüb.