“Neftçi”nin ev oyunlarını keçirdiyi stadionun ən böyük tribunası Anatoli Banişevskinin adını daşıyacaq

Bu gündən etibarən “Palms Sports Arena“da ən böyük tribunalarından biri – “Cənub” tribunası Azərbaycan futbolunun əfsanəsi, anadan olmasından 80 il ötən Anatoli Banişevskinin adını daşıyacaq.

Allsport.az saytı xəbər verir ki, bununla “Neftçi” klubu əfsanəvi “9 nömrə”nin adının əbədiləşdirilməsi yolunda növbəti addımı atıb. “Anatoli Banişevski” tribunası isə bundan sonra bütün ev oyunlarında ölkənin ən böyük və sadiq azarkeş ordusunun yolunu gözləyəcək.