Olimpiyaçılarımız Çanaqqalada hazırlıq keçəcək

Kişi boksçulardan ibarət Azərbaycan millisi Paris-2024 yay olimpiya oyunlarının hazırlıqlarını davam etdirir.

Allsport.az xəbər verir ki, komandamız baş məşqçi Pedro Rokenin rəhbərliyi altında növbəti təlim-məşq toplanışını Türkiyədə keçəcək.

Bu gün səfərə yollanan yığmamızın heyətində Nicat Hüseynov (51 kq), Malik Həsənov (63,5 kq), Murad Allahverdiyev (80 kq), Alfonso Dominqes (92 kq), Məhəmməd Abdullayev və Bekhan İsrailov (hər ikisi 92 kq) yer alıblar. Çanaqqalada baş tutacaq toplanış iyunun 27-dək davam edəcək.