Paracüdoçularımızdan 2 qızıl medal

Bakıda keçirilən paracüdo üzrə “IBSA Judo Grand-Prix Baku 2021” beynəlxalq turnirində idmançılarımız iki qızıl medal qazanıblar. Allsport.az xəbər verir ki, Sevda Vəliyeva (57 kq) finalda özbəkistanlı rəqibi Parvina Samandarovaya qalib gələrək qızıl medal qazanıb.

Digər qızıl medalı isə komandamızın aktivinə Namiq Abbaslı (66 kq) yazdırıb. O, həlledici qarşılaşmada özbəkistanlı Utkirjon Niqmatova qalib gəlib.

Bundan əvvəl paracüdoçularımız 4 bürünc medala sahib olublar.

“IBSA Judo Grand-Prix Baku 2021” turniri Tokio yay paralimpiya oyunlarına reytinq xalları qazandırır.