Qurban Qurbanov hər kəsə təşəkkür etdi

“Qarabağ”ın baş məşqçisi Qurban Qurbanov Topaz Premyer Liqasının 18-ci turu çərçivəsində “Sumqayıt”a qarşı keçirdikləri oyunu şərh edib. Allsport.az xəbər verir ki, Ağdam klubunun çalışdırıcısı 2:0 hesabıyla bitən qarşılaşmadan sonra bunları söyləyib:

“Yaxşı oyun alındı. Futbolçular çox yorulub. Buna baxmayaraq, oyunu düzgün qurmağa çalışdıq. “Sumqayıt” elə bir komandadır ki, qol vurmadan meydandan çıxmır. “Sumqayıt” liderlərə qarşı yaxşı çıxış edir. Bizə qarşı oyunda da belə oldu. Düşünürəm ki, oyunçularım istirahəti gözləyirdilər. Qış fasiləsinə gedərkən deməliyəm ki, yaxşı nəticələrimiz oldu. Futbolçularıma, azarkeşlərə, jurnalistlərə təşəkkür edirəm. İnnosent Emeqaranın durumuna gəlincə, onun transfer hüququ bizə məxsusdur. Hazırda anasının yanında olan futbolçu barədə düşünəcəyik. Onun bizimlə müqaviləsi var. Mənə vaxt lazımdır ki, Emeqara barədə qərar verim. Düşünmürəm ki, klubdan ayrılsın. Məsələni düşünməliyəm”.