Rinq ustalarımızın 13-cü Avropa çempionatı cəhdi

Bu gün Ukraynanın Xarkov şəhərində kişi boksçuların 43-cü Avropa çempionatına start verilib. Allsport.az saytı xəbər verir ki, tam heyətlə təmsil olunan Azərbaycan millisinin tarixinə bu yarış 13-cü kimi düşəcək.

1993-cü ildə Türkiyənin Bursa şəhərində keçirilən eyni rəqabətdən başlayaraq qitə çempionatlarının daimi iştirakçısına çevrilən komandamız 12 turniri arxada qoyub.

Bu müddətdə idmançılarımız 4 qızıl, 6 gümüş və 8 bürünc medala yiyələniblər. 12 çempionatda 18 mükafat qazanan yığmamız son 4 yarışda mükafatsız qalmayıb.