Tayfur Əliyev Tokio-2020-yə lisenziya qazandı

Boks millimiz Tokio-2020 yay olimpiya oyunlarına ilk lisenziyasını qazanıb. Allsport.az xəbər verir ki, Tayfur Əliyev (57 kq) bu hüquqa yiyələnib.

23 yaşlı idmançı Londonda keçirilən Avropa olimpiya təsnifat turnirində 1/4 finala yüksəlməklə Tokio-2020-də iştirak hüququna sahib olub.

O, 1/8 finalda Edqaras Skurdelisdən (Litva) üstün olub. Rəqibi ilk hissədə zədələndiyindən döyüşü davam etdirə bilməyib və Əliyev qalib elan olunub.

Yarış gecə seansından sonra dayandırılacağından 1/4 final qarşılaşması turnir bərpa olunduqdan sonra baş tutacaq.