“Ulduz” Polşa klubunu məğlub etdi

İtaliyanın Vigevano şəhərində eşitməqüsurlu əlillərdən ibarət komandalar arasında təşkil olunan çempionlar liqasının qrup mərhələsinə yekun vurulub. Allsport.az xəbər verir ki, “Ulduz” qrupda son oyununu keçirib. İtaliyanın “Potenza” komandasına 2:9 hesabı ilə məğlub olan futzalçılar qrupu sonuncu pillədə başa vurub.

Növbəti mərhələdə Polşanın “Krakov” komandası ilə qarşılaşan “Ulduz” 9:8 hesablı qələbə qazanıb. “Ulduz” növbəti oyunlarını bu gün və sabah keçirəcək.