Vüqar Ələkbərov: Bizim dövr 100 il təkrar olmayacaq

«Bizim dövrdə boks çox güclü idi. Hər çəkidən bir-birindən səviyyəli 10 idmançı vardı. O nəsil 100 il təkrar olmayacaq».

Bunu allsport.az saytına açıqlamasında «Neftçi» İSM-in boks üzrə baş məşqçisi Vüqar Ələkbərov dedi. Sidney olimpiadasının bürüc mükafatçısı bildirdi ki, onların vaxtında maliyyənin aşağı olmasına rəğmən, ovqat daha yüksək olub:

«Bizim dövrümüzdə pul yox idi, amma həvəs vardı. Bizi boksa heç vaxt nəsə bağlamırdı. O vaxtı federasiyadan maaş almırdıq. Amma indi mili komandaya maliyyə cəhətdən hər cür şərait yaradılırb. Qalır, bircə davamlı yüksək nəticə göstərmək».