Yeniyetmə boksçularımız Avropa birinciliyində 2 qızıl və 1 bürünc medal qazanıb

Rusiyanın Anapa şəhərində keçirilən yeniyetmələrin Avropa birinciliyində Əli Zamanov ( 48 kq) fəxri kürsünün ən yüksək pilləsinə qalxıb. Allsport.az saytı xəbər verir ki, o, həlledici görüşdə İngiltərə boksçusu Jo Makqraili 4:1 (29:28, 29:28, 28:29, 29:28, 29:28) üstələyib.

Baş məşqçi Vaqif Kazımovun komandasından növbəti qızıl medalı Murad Allahverdiyev (80 kq) qazanıb. Boksçumuz rlandiyalı Patrik Myersi 5:0 (29:28, 29:28, 29:28, 30:27, 29:28) məğlub edib.

Əhməd Əhmədov (+80 kq) bir gün öncə yarımfinalda macarıstanlı Levent Kissə yenilərək 3-cü yeri tutmuşdu.