Yeniyetmə boksçularımız Avropa birinciliyindən 2 bürünc medalla dönüb

Bolqarıstan Albena şəhərində yeniyetmə boksçular arasında Avropa birinciliyi keçirilib. Allsport.az saytı xəbər verir ki, yarışda 32 ölkədən 260 idmançı qüvvəsini sınayıb. Azərbaycan millisi 2 bürünc medal qazanıb.

Vaqif Kazımovun komandasında fəxri kürsünün 3-cü pilləsinə Səlim Səlimov (63 kq) və Murad Allahverdiyev (75 kq) qalxıblar.

Yığmamız komanda hesabında 12-14-cü yerləri bölüşüb. Siyahıda birinci yeri isə 7 qızıl və 2 bürünc medal qazanan Rusiya tutub.