Zamiq Atakişiyev peşəkar rinqdə ukraynalı boksçu ilə döyüşəcək

Azərbaycan boksçusu Zamiq Atakişiyev peşəkar rinqdə növbəti döyüşünü keçirəcək.

Allsport.az saytı xəbər verir ki, təmsilçimiz dekabrın 15-də Rusiyanın Yekaterinburq şəhərində təşkil olunacaq “Extra Round5” boks gecəsində ukraynalı German Skobenko ilə qarşılaşacaq.

Superağır çəkidə keçiriləcək döyüş 6 raund davam edəcək. 31 yaşlı idmançımız peşəkar rinqdə keçirdiyi 4 döyüşün hamısında qələbə qazanıb.