Ən yaxşı nəticə kimdə oldu?

Yeniyetmə oğlan şpaqaçılarımız Yunanıstanın Saloniki şəhərində “Helexpo Cup”da çıxışını başa vurublar. Allsport.az saytı xəbər verir ki, qrupu 4 qələbə ilə başa vuran Raul Aruslanov, ən güclü 16-lığa kimi irəliləməyi bacarıb. Növbəti görüşdə türkiyəli Murad Məricə 14:15 uduzub.

Digər təmsilçilərimiz Orxan Həsənli və Cəmil Hidayətov qrup mərhələsini uğurla adlayaraq pley-ofda bir-birinə rəqib olublar. 64-lüyə yüksəlmək uğrunda adı ilk çəkilən qılıncoynadan 15:6 qalib gəlib. Növbəti mərhələdə belçikalı Marton Mezingerə 4:15 məğlub olub.

Görüşləri idarə edən hakimlər arasında Samir Hüseynova da olub.