ABF təmiz idmana dəstək verir

Azərbaycan boks ferderasiyasının kişilərdən ibarət yığma komandası üçün antidopinq maarifləndirmə seminarı keçirilib.

Allsport.az xəbər verir ki, antidopinq mövzusunda verilən təlim idmançılara hüquq və vəzifələrini öyrənməkdə kömək etmək üçün xüsusi olaraq hazırlanmışdır. Seminarda təmiz idman dəyərlərinin idmanın bütövlüyünün qorunması üçün nə qədər önəmli olduğu idmançıların diqqətinə çatdırılıb.

İdmançı, köməkçi heyəti, həkim, kim olmasından asılı olmayaraq, idman ictimaiyyətinin hər bir nümayəndəsi təmiz idmanı qorumaq yolunda məsuliyyət daşıyır. İstənilən formada dopinq halı təmiz idmanın ruhuna və idmançının imicinə kölgə salır.