Azərbaycan basketbolunun inkişafı müzakirə olundu

Aprelin 25-də gənclər və idman naziri Fərid Qayıbov FİBA-nın baş katibi Andreas Zaqklisi qəbul edib.

Allsport.az xəbər verir ki, görüş zamanı Azərbaycanda basketbolun inkişafı, FİBA ilə mövcud və gələcək əməkdaşlıq imkanları müzakirə olunub. Eyni zamanda, birgə təşəbbüslərin həyata keçirilməsi və beynəlxalq əməkdaşlığın genişləndirilməsi barədə fikir mübadiləsi aparılıb.

Görüşdə Azərbaycan basketbol federasiyasının icraçı vitse-prezidenti Fərrux Mahmudov və idman direktoru Turqay Zeytungöz, FİBA 3×3 basketbol yarışları üzrə menecer Yovana Vukoye da iştirak ediblər.