“Reyms”in silahlı azarkeşləri klubun məşq bazasına basqın edərək futbolçuları öldürməklə hədələyiblər

Fransa 2-ci divizionunda “Laval” ilə 2:2 hesablı heç-heçədən sonra, “Reyms”in silahlı azarkeşlər klubun məşq meydançasına basqın ediblər. Allsport.az saytı xəbər verir ki, klubun mətbuat xidməti duruma belə aydınlıq gətirib:

“Cümə axşamı “Ultram” qrupunun üzvləri olduğunu iddia edən, bəziləri balaklava taxmış və evdə hazırlanmış silahlarla hərəkət edən şəxslər komandanın Lavaldan qayıtmasını gözləyərkən Raymond Kopa iqamətgahımıza daxil olublar. Bu cür hərəkətlər qəbuledilməzdir və bütün klubu dərin şoka salıb”.