Azərbaycan qılıncoynadanı 2-ci oldu

İstanbulda 17 yaşlı yeniyetmə sablyaşılar arasında “Cadet circuit” keçirilir. Allsport.az xəbər verir ki, qılıncoynadanımız Abbas Hüseynov 150-dən çox oğlan sablyaçıların yarışdığı şəxsi mübarizədə gümüş medal qazanıb.

Qrup mərhələsində keçirdiyi bütün görüşlərdə (5 qələbə) qalib gələn Abbas pley-offda Rumıniya, Misir, Böyük Britaniya, Bolqarıstan və Türkiyəni təmsil edən rəqiblərinə qalib gələrək finala yüksəlib. Abbas finalda Türkiyə qılıncoynadanı Yigit Ayaza 6:15 hesabı ilə uduzaraq “Cadet circuit”in İstanbulda keçirilən mərhələ yarışında gümüş medala layiq görülüb.