Cokoviçin ilk rəqibi müəyyənləşib

Allsport.az xəbər verir ki, Banja Lukada (Bosniya və Herseqovina) keçirilən ATP-250 kateqoriyalı tennis turnirində 22-qat “Böyük dəbilqə” çempionu, dünyanın “1 nömrə”si Novak Cokoviçin ilk rəqibi müəyyənləşib. Novak 18 yaşlı fransız tennisçi Luka Van Aşla (dünyanın 87-ci raketkaçısi) qarşılaşacaq.

İlk turda Van Aş 1:6, 7:6 (7:4), 6:4 hesabı ilə TBS-in 3-qat qalibi, keçmiş dünya 3-cüsü isveçrəli Sten Vavrinkaya qalib gəlib . Onların görüşü 2 saat 44 dəqiqə davam edib.

Banja Lukada keçirilən yeni turnirin mükafat fondu 562 815 avrodur. Yarış aprelin 23-dək davam edəcək.