Dünya çempionumuz da 1/4 finala çıxdı

Avropa oyunlarında daha bir boksçumuz 1/4 finala vəsiqə qazanıb. Allsport.az saytı xəbər verir ki, 60 kq-da çıxış edən Cavid Çələbiyev moldovalı Dorin Buksaya 5:0 qalib gəlib.

Dünya çempionumuz 1/4 final döyüşünü iyunun 26-da keçirəcək. Boksçumuz Cordan Rodrigesi (Fransa) məğlub edən Otar Eranosyanla (Gürcüstan) üz-üzə gələcək.

Qeyd edək ki, Cavid Çələbiyevə qədər Rüfət Hüseynov (49 kq) və Lorenso Sotomayor (69 kq) da 1/4 finala yüksəlib.