İtaliyalı tennisçi mükafatlandırıldı

Dünyanın 34-cü tennisçisi Matteo Berrettini ATP-nin “İlin geri dönüşü” mükafatına layiq görülüb.

Allsport.az xəbər verir ki, italyan idmançı mükafatlandırma mərasimində bunu deyib:

“İlin geri dönüşü” mükafatını almaqdan qürur duyuram. Mənim və komandam üçün əla mövsüm idi. Əldə etdiyimiz nəticələrdən çox razıyam və gələn il daha böyük uğurlara imza atmaq üçün səbirsizlənirəm”.

Berrettini bu il Avstriya, İsveçrə və Mərakeşdə keçirilən ATP-250 turnirlərinin və İtaliya millisinin tərkibində “Devis” kubokunun qalibi olub. O, ümumi sıralamada 154-cü yerdən 34-cü pilləyə qayıdıb. Matteonun bu kateqoriyadakı rəqibləri xorvatiyalı Marin Çiliç və yaponiyalı Kei Nisikori olub.