Paytaxtda “Həmrəylik” veloyürüşü

31 dekabr – Dünya Azərbaycanlılarının Həmrəyliyi Günü və Təqvim bayramı münasibəti ilə dövlət təhlükəsizliyi xidməti velosiped idman klubu və velosiped idmanı federasiyasının təşkilatçılığı, respublika olimpiya velosiped məktəbinin dəstəyi ilə Bakıda “Həmrəylik yürüşü” keçirilib.

Allsport.az saytı xəbər verir ki, tədbirdə DTX-nin rəisi Mədət Quliyev, peşəkar və həvəskar qoşaçarxçılar qatılıblar. 300-ə yaxın iştirakçı Azneft dairəsindən Neftçilər prospekti ilə hərəkət edib və Heydər Əliyev Mərkəzinin qarşısında bayram yürüşünü başa çatdırıb.