Potapova 1/4 finalda

Brisbendə (Avstraliya) mükafat fondu 1,7 milyon dollar olan WTA-500 kateqoriyalı turnirdə 1/4 finala vəsiqə uğrunda görüşdə Anastasiya Potapova, Veronika Kudermetova üzərində qələbə qazanıb.

Allsport.az xəbər verir ki, rusiyalıların qarşıdurması təxminən 3 saat yarım davam edib və 7:5, 6:7 (7:9), 6:4 hesabı ilə dünyanın 28-ci raketkasının xeyrinə başa çatıb. Kudermetova dünya reytinqində 16-cı yerdədir.

Potapovanın növbəti rəqibi belçikalı Elise Mertensə qalib gələn (6:1, 6:0) Qazaxıstan təmsilçisi Yelena Rıbakina olacaq.