“Qəbələ”nin üzvü yeniyetmələrin yay olimpiya oyunlarına vəsiqə qazanıb

“Qəbələ” idman klubunun taekvondoçusu Cavad Ağayev yeniyetmələrin yay olimpiya oyunlarında iştirak edəcək. Allsport.az saytı xəbər verir ki, o, Buenos Ayres-2018-ə lisenziya qazanıb.

Milli üzvü Rusiyada keçirilən G1 kateqoriyalı yarışda qalib olmaqla vəsiqəni rəsmiləşdirib. Cavad Ağayev 63 kq-da ölkəmizi təmsil edəcək.

Yeniyetmələrin yay olimpiya oyunları oktyabrın 6-18-də keçiriləcək.