Sablya komandası dünya kubokunda 2-ci yer tutub

Bolqarıstanın Plovdiv şəhərində qadın sablyaçıların dünya kubokunda komanda yarışı da başa çatıb.

Allsport.az saytı xəbər verir ki, ilk görüşdə ABŞ qılıncoynadanlarına 45:39 hesabı ilə qalib gələn Anna Başta, Sevil Bünyatova, Valeriya Bolşakova və Polina Kaspiaroviçdən ibarət dördlük, növbəti mərhələdə Macarıstana eyni hesabla (45:39) qalib gəlib.

Millimiz yarımfinalda meydan sahibələrini 45:32 məyus edib. Həlledici qarşılaşmada qızlar fransalı həmkarlarına 39:45 uduzublar.