Sablyaçımız Rusiya açıq turnirində qalib olub

Qadın sablya millimizin üzvü Anna Başta Novoqorsk şəhərində İlqar Məmmədov adına qılıncoynatma mərkəzində Rusiya açıq turnirində qızıl medal qazanıb.

Allsport.az saytı xəbər verir ki, qrupda 5 görüşdən 4-nü qalib başa vuran idmançımız, finalda Alina Mixaylovaya 15:5 qalib gəlib.

İlkin mərhələdə bütün görüşləri qalib bitirən digər təmsilçimiz Valeriya Bolşakova 1/16 finalda Anastasiya Koçetovaya 14:15 yenilib.