Sinner ən sevimli seçildi

İkiqat “Böyük dəbilqə” qalibi və dünyanın 1 nömrəli tennisçisi Yannik Sinner ardıcıl ikinci il peşəkar tennis assosiasiyasının (ATP) “Azarkeşlərin ən sevimli oyunçusu” mükafatını alıb.

Allsport.az xəbər verir ki, 23 yaşlı italyan bu il iki “dəbilqə” (Australian open, US open), üç “Masters” seriyası turniri, ATP final çempionatı və iki ATP-500 titulu da daxil olmaqla səkkiz turnirin qalibi olub.