Sofiyada ikinci oldular

Qılıncoynadanlarımız Bolqarıstanın paytaxtı Sofiyada keçirilən beynəlxalq turnirdə gümüş medal qazanıblar.

Allsport.az xəbər verir ki, Murad Əkbərov, Maqsud Hüseynli, Rəsul Əliyev və Teymur Hüsnəddinovdan ibarət komandamız 23 yaşadək sablyaçıların komanda yarışında ikinci yer tutub.

İlk görüşündə İspaniya yığmasını 45:42 hesabı ilə məğlub edən sablyaçılarımız, ardınca Böyük Britaniya kollektivinə 45:37 hesabı ilə qalib gəlib. Sablya üzrə kişilərdən ibarət 23 yaşadək millimiz finalda Bolqarıstan yığmasına 35:45 hesabı ilə uduzaraq “EFC FFE Circuit” turnirinin gümüş medallarına layiq görülüb.