Yeniyetmə sablyaçılarımız komanda yarışında 13-cü yer tutub

Bu gün Misirin paytaxtı Qahirə yeniyetmə sablyaçıların dünya birinciliyində komandada qaliblər müəyyənləşib.

Allsport.az saytı xəbər verir ki, Murad Əkbərov, Saleh Məmmədov və Maqsud Hüseynlidən ibarət millimiz ilk görüşündə braziliyalı həmkarlarına 45:39 qalib gəlib, sonra Ukrayna yığmasına eyni hesabla uduzub.

9-12-ci yerlər uğrunda görüşdə hindistanlı rəqiblərinə gərgin və maraqlı mübarizə şəraitində keçən görüşdə 44:45 hesabı ilə məğlub olub. 13-14-cü yerlər üçün Qazaxıstan (45:37), ardınca Honkonqa (45:42) qalib gələn komandamız yekunda 13-cü sırada başa vurub.