Forgot Password New Account

Məşqçilər üçün texniki təlim kursları

Velosiped idmanı
16 noyabr 2017 / 10:00 Baxış sayı: 2147
Beynəlxalq Olimpiya Komitəsi və Beynəlxalq Velosipedçilər İttifaqının dəstəyi, Azərbaycan Velosiped İdmanı Federasiyasının təşkilatçılığı ilə məşqçiləri üçün 1-ci dərəcəli texniki kurslar öz işinə başlayıb. Allsport.az saytı xəbər verir ki, MOK-un təşəbbüsü ilə həyata keçirilən bir həftəlik kurslar Respublika Velotrekində təşkil olunub.
 
Layihənin əsas məqsədi beynəlxalq dərəcəli velosiped məşqçilərinin yetişdirilməsi, nəzəri və praktiki biliklərinin genişləndirilməsidir. Məşğələlər Beynəlxalq Velosipedçilər İttifaqının müvafiq proqram üzrə beynəlxalq dərəcəli mühazirəçisi Jan Jak Anri tərəfindən keçirilir.
 
Layihədə ümumilikdə 20 məşqçi iştirak edir. 13-18 noyabr tarixlərini əhatə edəcək kursların yekununda iştirakçılara beynəlxalq dərəcəli sertifikatlar təqdim olunacaq.
 
Təlimin iştirakçıları arasında “Olimpiya Hərəkatı-2017” layihəsinin məşqçiləri də var. Milli Olimpiya Komitəsi, Gənclər və İdman Nazirliyi, Təhsil Nazirliyi, həmçinin olimpiya oyunlarının ümumdünya tərəfdaşı “Coca-Cola” şirkəti tərəfindən birgə həyata keçirilən “Olimpiya Hərəkatı” proqramının əsas məqsədi məktəblilər arasında atletika, velosiped idmanı, basketbol 3×3, voleybol 2×2 və  badminton idman növləri üzrə yarışlar keçirməklə şagirdləri sağlam və aktiv həyat tərzinə cəlb etmək, həmçinin Olimpiya dəyərlərini təşviq etməkdən ibarətdir.

Həmin kateqoriyadan