Dağ velosipedi üzrə Bakı kubokunun qalibləri

Xocasəndə yerləşən dağ velosipedi parkında U-15, U-17 gənc oğlanlar, həmçinin elit/U-23 Bakı kuboku keçirilib. Allsport.az saytı xəbər verir ki, gərgin idman mübarizəsində adı ilk çəkilən yaş kateqoriyalarında ən sürətli Maksim Polikarpov olub. Qəhrəman Hacızadə 2-ci, Cavid Qəfərli isə 3-cü yerə çıxıblar.

Kişilərdə Hüseyn Bağırzadə hamıdan yaxşı nəticə göstərib. Onun ən yaxın izləyicisi Rasim Əlizadə olub. İlk üçlüyü Mübariz Süleymanov tamamlayıb.

Mükafatlandırı AVF-in baş katibi Elnarə Musayeva və federasiyanın hakimlər kollegiyasının üzvü Səbinə Xankişiyeva təqdim ediblər.