Elçin Əsədov: Qarşıdakı yarışlarda iştirakıma məşqçilər qərar verəcək

Qoşaçarxçılardan ibarət millimiz Sloveniya paytaxtı Lüblyanada yerləşən bazasında təlim-məşq toplanışını davam etdirir. “Synergy Baku”nun təcrübəli üzvü Elçin Əsədov allsport.az saytına açıqlamasında deyib ki, komandada ab-hava yüksəkdir:

«Hazırlığımız yaxşı gedir. Əsas heyətdə yer almışam. Qarşıda bizi 2 ciddi yarış – «Tur de Azerbaycan» və Birinci Avropa Oyunları gözləyir. Bu sınaqlarda mübarizə aparıb-aparmayacağıma məşqçilər korpusu qərar verəcək».