Fərhad Əliyev: Son günlər trek komandamız bizi çox sevindirir

«Bu mövsüm şose növündə çıxış edən velosipedçilərin proqramı çox zəngindir. Onlar Xorvatiyada təlim-məşq toplanışını başa vurmaq üzrədirlər. Milli komandamızı qarşıda bir neçə yarış gözləyir».

Bunu allsport.az saytına açıqlamasında AVİF-in baş katibi Fərhad Əliyev dedi. Mütəxəssis bildirdi ki, son zamanlar trekçilərin uğurları onu çox sevindirir:

«Yığma komandamızın üzvləri Fransada və Portuqaliyada keçirilən beynəlxalq turnirlərdə müvəffəqiyyətlə çıxış ediblər. Özəlliklə, Nicat Niftəliyevin uğurunu qeyd etmək istərdim. Artıq bizim öz məktəbimizdən də idmançılar yetişir».