Kamran Mirzəxanov 1-ci mərhələdə 9-cu oldu

Türkiyədə gənclər arasında Beynəlxalq velosipedçilər ittifaqının 2.1 kateqoriyalı “Manavgat Side Junior” yarışı start götürüb. Allsport.az saytı xəbər verir ki, 10 ölkədən 16 komandanın tərkibində 86 velosipedçinin mübarizə apardığı turnirin 1-ci günündə iştirakçılar fərdi ötüşmə növündə bacarıqlarını nümayiş etdiriblər.

Sınaqda iştirak edən gənclər yığmamızın lideri Kamran Mirzəxanov 6,3 km məsafəni 8 dəqiqə, 36 saniyəyə qət etməklə 1-ci mərhələni 9-cu sırada başa vurub. Velosipedçimiz ilk yarış gününün qalibi, Belçikanın “Cannibal” klubunun ABŞ-dan olan üzvü Artyom Şmitdən 31 saniyə geri qalıb.

2-ci yarış günündə velosipedçilər 107 km məsafəyə qrup ötüşməsində mübarizə aparacaqlar.