Forgot Password New Account

Paytaxtda BMX üzrə dünya sınaq yarışı

Velosiped idmanı
27 oktyabr 2017 / 13:23 Baxış sayı: 1188
Gələn ilin 5-9 iyununda Bakıda velosiped idmanının BMX növü üzrə təşkil olunacaq dünya çempionatı ilə əlaqədar oktyabrın 28-29-da BMX Veloparkında dünya test yarışı keçiriləcək. Allsport.az saytı xəbər verir ki, UCİ-nin təqvim planında yer alan yarış kifayət qədər yüksək hesab edilən C1 dərəcəsinə aiddir.
 
Test yarışında Rusiya Federasiyası, Fransa, Türkiyə, Yaponiya, Litva, Çex Respublikası, İtaliya və Almaniyanın kişi və qadın komandaları iştirak edəcək. Qeyd edək ki, velosiped idmanının digər növləri ilə müqayisədə daha gənc olan BMX 2008-ci ildən etibarən Yay Olimpiya Oyunlarının proqramına daxil edilib və ən geniş tamaçaşı kütləsi toplayan idman növlərindən biridir.
 
Avropa Oyunları ilə əlaqədar 2015-ci ilin əvvəlində Bakıda ən müasir tələblərə cavab verən BMX stadionu istifadəyə edilib. 2016-cı ildə UCI müvafiq qaydaları və stadionların ölçülərini dəyişdiyindən Bakı stadionu yenidən qurulub, trekin uzunluğu, eni, maneələrin sayı və döngələrin hündürlüyü artırılıb. Bu gün UCI-ın yeni standartlarına tam cavab verən yeganə stadion məhz Bakı trekidir.
 
Test yarışının proqramına əsasən, oktyabrın 28-i saat 10:00-dan 12:00-dək iştirakçılar praktiki yürüşlərdə mübarizə aparacaqlar. Oktyabrın 29-u saat 19:00-da isə final mərhələsi start götürəcək və dünya test yarışının qalibləri müəyyənləşəcək.
 
 

Həmin kateqoriyadan