Rio olimpiadasına ilk xallar qazanıldı

“Synergy Baku” Xorvatiyada təşkil olunan 1.2 kateqoriyalı birgünlük “İzola” qran-prisində Rio-2016-ya ilk lisenziya xallarını qazanıb. Allsport.az saytı xəbər verir ki, yarışda 8 qoşaçarxçı ilə təmsil olunan komanda üzvlərimizdən ən yüksək nəticəyə Maksim Averin imza atıb.

Millimizin üzvü 160.3 km-dən ibarət marşrutu qalibdən 1 dəqiqə, 14 saniyə sonra başa vurmaqla yekunda 5-ci yeri tutub və aktivinə 10 reytinq xalı yazıb. Averin həmçinin sprinterlərin mübarizəsində 2-ci olub.

Qeyd edək ki, Beynəlxalq Velosipedçilər İttifaqının reqlamentinə əsasən, Yay Olimpiya Oyunlarından öncəki il də daxil olmaq şərtilə, velosipedçilər təmsil etdikləri qitənin beynəlxalq yarışlarında mübarizə aparmaqla 4 illiyin zirvə yarışına lisenziya xalları toplayırlar.