“Velosiped sür, hərəkətə sən də qoşul” layihəsi başa çatıb

90-günlük fəal təbliğat çərçivəsində respublika olimpiya velosiped məktəbinin təşkilatçılığı, velosiped idmanı federasiyası, “Gənc velosipedçilər ” ictimai birliyi və əlil velosipedçilər klubunun dəstəyilə Bakı şəhərində yerləşən lisey və orta təhsil müəssisələrinin şagirdləri arasında «Velosiped idmanının sağlamlıqda rolu və ondan istifadə qaydaları» mövzusunda seminar-təlimlər olub.

Allsport.az saytı xəbər verir ki, layihənin əsas məqsədi tələbə, şagird və valdeynlərin arasında təbliğat və təşviqat işləri aparmaqla kütləviliyi artırmaq və məktəbə yeni-yeni idmançıların cəlb edilməsi idi.

Təşkilatçılar bu işin həyata keçməsində əməyi keçən hər kəsə, özəlliklə, Bakı şəhər təhsil idarəsinə, məktəb direktorları və müəllimlərə dərin təşəkkürlərimizi bildirir. Tezliklə “İDMAN DƏRSİ-VELOSİPEDLƏ” adlı yeni, maraqlı layihəyə start veriləcək.